Ovei

Понекогаш едноставно сакате да се исклучите од останатиот свет и да изгледате некој филм мирно или пак да го минете следното ниво од вашата омилена игра, нели?

Овој производ е наменет токму за тоа, да влезеш во него кога сакаш да се скриеш и побегнеш од останатиот свет, и во мир и тишина да уживаш во телевизор со контроли со екран осетлив на допир и пристап на Интернет. Можете да го поврзете со компјутер, DVD, PlayStation 3, XboX, Wii, mp3 плеер или нешто друго, со тоа што нема да го слушате жалењето на вашата девојка од другата страна на капсулата.

Ovei има и своја клима, променливо LED осветлување, 5.1 surround звук, како и удобно кожно седиште. Капсулата е дизајнирана од страна на Lee McCormack, а направена од момците од F1 - Mclaren Applied Technologies. Телото е направено од carbon fiber па така немора да се грижите дали ќе се оштети од тропањето на вратата од вашите пријатели кои упорно сакаат да влезат внатре.

За да ја добиете оваа капсула се што треба да направите е да го продадете својот стан и со 60.000 евра на вашата сметка да ја посетите страницата на Ovei и да нарачате.